Maqsadli ta'lim - bu muayyan kompaniyalar yoki tarmoqlar ehtiyojlariga javob beradigan mutaxassislarni tayyorlash uchun mo'ljallangan dastur.

O‘qishga maqsadli qabul qilish:

• tegishli hududlarning, sohalar va tarmoqlarning kadrlarga bo‘lgan ehtiyojlaridan kelib chiqqan holda ular uchun belgilangan ta’lim oluvchilarni qabul qilish parametrlari doirasida;
• kadrlar buyurtmachilari, davlat ta’lim muassasalari va fuqarolar o‘rtasida tuziladigan shartnomalar asosida;
• belgilangan tartibdagi umumiy asoslarda o‘tkazilgan tanlov natijalariga muvofiq amalga oshiriladi.

«Cyber University»da maqsadli ta’lim quyidagilarni o‘z ichiga olishi mumkin:

• Mavzuga asoslangan kurslar: Masalan, ma'lum kompaniyalar talablariga moslashtirilgan kiberxavfsizlik, ma'lumotlar tahlili yoki  mashinal o'rganish (machine learning, ML) bo'yicha kurslar.
• Individual o'quv dasturlari: biznesning o'ziga xos ehtiyojlarini hisobga olgan holda, biznesning talabiga binoan ta'lim dasturlarini ishlab chiqish.
• Korporativ hamkorlik: «Cyber University» davlat va xo‘jalik boshqaruvi organlari, kompaniyalar bilan hamkorlikda talabalarga amaliy mashg‘ulotlar va haqiqiy ish sharoitlarida amaliyot o‘tashlari mumkin.