Cyber University ilmiy faoliyatining muhim yo‘nalishlaridan biri — ilmiy tadqiqotlar natijalarini nufuzli xalqaro va mahalliy nashrlarda chop etishdir. Universitetda sun’iy intellekt, kiberxavfsizlik, raqamli huquq, katta ma’lumotlar tahlili va raqamli ta’lim texnologiyalari kabi zamonaviy sohalarda olib borilayotgan tadqiqotlar ilmiy maqolalar shaklida e’lon qilinmoqda. Bu nashrlar orqali universitet ilmiy jamoasi global ilmiy hamjamiyat bilan tajriba almashadi va o‘z tadqiqotlarining dolzarbligini namoyish etadi.
Bundan tashqari, Cyber University ilmiy ishlanmalarni amaliyotga tadbiq etish va tijoratlashtirishga alohida e’tibor qaratadi. Bu borada universitet olimlari va tadqiqotchilari tomonidan yaratilgan innovatsion yechimlar, texnologiyalar va dasturiy mahsulotlar uchun patentlar olish ishlari yo‘lga qo‘yilgan. Patentlash orqali universitet intellektual mulkni himoya qilish, innovatsiyalarni keng joriy etish va iqtisodiy samaradorlikka erishishni maqsad qilgan.
Shuningdek, universitetda ilmiy nashrlar va patentlar bo‘yicha maxsus bo‘limlar tashkil etilgan bo‘lib, ular tadqiqotchilarga maqola yozish, patent arizalarini tayyorlash va ularni rasmiylashtirishda metodik yordam ko‘rsatadi. Bu tizim orqali Cyber University ilmiy salohiyatini oshirish, innovatsion muhitni rivojlantirish va xalqaro ilmiy maydonda o‘z o‘rnini mustahkamlashga intilmoqda.